Sunda seyðahundafelag skipar fyri einari spennandi klassa 3 kapping, har 19 hundar luttaka, hetta vikuskiftið. Hetta er ein partur av FM-kvalifikatiónskappingunum til EM í Belgia og HM í Skotlandi í 2026.  4 teir fremstu sleppa til EM í Belgia, og 3 teir fremstu sleppa til HM í Skotlandi. 

Í Sandavági varð kappast seinasta vikuskifti og vórðu nøkur óvæntað úrslit tá. Moss hjá Tummasi Jacobsen fekk triðja pláss, ið gjørdi at munurin upp til fremsta plássið minkaði eitt lítið sindur. Midge hjá Onnu Sofíu Fjallheim, ið lá á øðrum plássið, fekk einki stig hasuferð og Svan hjá Tóroddi Vang, ið frammanundan seinastu kapping einans hevði 3 stig, gjørdi eitt ordiligt hál við at verða nr. 2 og fekk 6 stig. Sostatt hevur hann nú 9 stig og er á einum deildum 4. plássið. Gripur hjá Jónstein Petersen vann seinastu kapping og liggur nú einsamallur á øðrum plássi. 

FM støðan sær soleiðis út: 

Nr. 1 Moss við 25 stigum 

Nr. 2 Gripur við 19 stigum 

Nr. 3 Midge við 12 stigum 

Nr. 4 eru tríggjir javnir við 9 stigum, Kelly, Meg og Svan. 

Skráin fyri vikuskifti sær soleiðis út: 

Leygardagin 22. novembur verður kappast í klassa 3. 

Kl. 08:30 er vallar gjøgnumgongd. 

Kl. 09.00 byrjar klassi 3. 

Sunda seyðahundafelag takkar bóndanum í Saksunardali fyri, at lata økið til kappingina og fyri gott samstarv. Uttan tykkara stuðul hevði hetta ikki verið gjørligt. Øll eru vælkomin at hyggja! 

Seyðahundakapping í Vágadali í Sandavági.  

Tann 15-16 novembur verður skipa fyri FM í seyðahundakapping í Vágadali. Tað er Vága seyðahundafelag, ið skipar fyri kappingini. Fyrireiking hevur verið alla vikuna og alt er komi uppá pláss til kappingina. Bani er settur upp, seyður rikin saman, rætt sett upp, skúrar til luttakarar, og áskoðarar, eru komnir uppá pláss takka verði góðum fólki. Vit í Vága seyðahundafelag gleðast um góðu luttøkuna til kappingina í morgin, har 19 hundar fara at kappast í klassa 3. Sum veðurforsøgnin sær út, verður veðrið turt leygarmorgunin og møguliga okkurt æl seinnapartin. Sunnudagin heldur kappingin fram har 7 hundar kappast í klassa 2 og 3 hundar í klassa 1. Sunnudagin verður boða fyri góðum veðri. Vit í Vága seyðahundafelag vilja takka øllum sum hava hjálp til og serliga tøkk til Kinnfell, SandavágsTimburhandil, Vága Kommunu og Jákup Paula í Eyðanstovu fyri lán av seyði og økið. Øll eru hjartaliga vælkomin niðan í Vágadal, vónandi síggja vit nógv fólk. Tiltakið er ókeypis. Nevndin í Vága seyðahundafelag. 

Í Húsavík var sera javnt ímillum nr. 1 og nr. 6. Einans 4 stig, so hevur onkur nokk rokna seg fram til at so munnu summir hundar hava  fingið líka nógv stig, og tað høvdu nr. 3 og nr. 4. Teir høvdu báðir 86 stig og nr. 4 og nr. 5 høvdu 84 stig í part. Hvussu veit man so hvør er betri? Stigini eru deild upp í Outrun/Heinta 20 stig- Lift/Fyrsta kontakt 10 stig -Fetch/Reka til 20 stig- Drive/ Reka frá 30 stig- shedding/Deila 10 stig- Pen/Rætt 10 stig- Singul/ Take ein seyð burturúr 10 Stig. 110 í alt. Hvussu nógv stig fekk hundurin í OLF. Tað er trý tey fyrstu, outrun-lift-fetch. Har var eisini sera javnt. 1 stig á muni sum avgjørdi nr. 2 og nr. 3. 

Spenningurin er, um tey 4 plássini sum geva atgongd til EM, og til tríggjar teir bestu til HM. Tummas Jacobsen, við Moss, hevur vunnið báðar undanfarnu kappingarnar,  men tá kappingin var í Húsavík seinasta vikuskifti vann Anna Sofía Fjallheim við tíkini Midge. Nú er tann stóri spurningurin, um Anna Sofía Fjallheim og tíkin Midge klára at vinna enn einaferð, soleiðis at spenningurin verður um fyrsta plássi. 

Skráin fyri vikuskifti sær soleiðis út: 

Leygardagin 15. novembur verður kappast í klassa 3. 

Kl. 08:00 Banagjøgnumgongd. 

Kl.08.15 Byrjar klassi 3. 

Sunnudagin 16. novembur verður kappast í klassa 2 og í klassa 1 

Kl.09:00 Banagjøgnumgongd 

Kl 09:15 byrjar klassi 2 

Eftir at klassi 2 er liðugur, byrjar klassi 1 stutt eftir.