FM-kvalifikatiónskapping í Funningsbotni 1. og 2. nov.

Eysturoyar Seyðahundafelag skipar fyri tveimum spennandi kappingardøgum í Funningsbotni hetta vikuskiftið. Hettar er ein partur av FM-kvalifikatiónskappingunum til EM í Belgia og HM í Skotlandi í 2026.

Leygardagin 1. novembur verður kappast í klassa 3, sum er tann hægsti og mest avbjóðandi klassin í seyðahundakappingum. Kappingin byrjar kl. 08:00, og 20 hundar eru tilmeldaðir. Luttakarar eru fleiri av bestu seyðahundunum í landinum, og spennandi verður at síggja, hvussu FM-støðan broytist eftir hesa kappingina.

Sunnudagin 2. novembur verður kappast í klassa 2 og klassa 1, sum eru unghundaklassar, har nýggjir, og royndir, hundar fáa møguleika at vísa síni evni. Hetta er ein góður møguleiki at síggja komandi stjørnur innan seyðahundasportin.

Leygardag 01/11-2025

Banagjøgnumgongd er kl. 08.00

Sunnudagin 02/11-2025:

Banagjøgnumgongd er kl. 08.30

Klassi 2: byrja verður kl 09.00

Klassi 1: byrja verður, tá ið klassi 2 er liðugur.

Eysturoyar Seyðahundafelag takkar bóndanum í Funningsbotni fyri, at lata økið til kappingina og fyri gott samstarv. Uttan tykkara stuðul hevði hetta ikki verið gjørligt. Øll eru vælkomin at hyggja!

Kvalifikatiónskappingarnar til europameistaraheiti og heimsmeistaraheiti, fyri seyðahundar, byrja nú leygardagin. Hetta er 1. kapping av 7.  

Komandi 5 vikuskiftini fara Føroya bestu seyðahundar at kappast um, hvør sleppur at umboða Føroyar til EM í Belgia og HM í Skotlandi í septembur 2026. 

Fyrsta seyðahundakappingin verður á Viðareiði leygardagin 25. oktobur. Norðoya Seyðahundafelag stendur fyri kappingini, og hon verður á heimavølli felagsins á Viðareiði. 17 hundar eru meldaðir til. Bestu hundarnir í Føroyum eru við aftur í ár. Tó verður Linn hjá Tummasi Jacobsen, ið varð á 4. plássi seinasta kappingarár, ikki við leygardagin. Onkur nýggjur hundur er eisini at síggja, Tóroddur Vang fer at royna seg við Bráð og Tóki Berg fer at luttaka við Æsir. Spennandi verður at síggja hvussu nýggju hundarnir fara at roynast. Øll seyðahundafeløgini, uttan Vága seyðahundafelag, eru umboaði. Eysturoyar og Sundalags seyðahundafeløg eru best umboðaði við ávikavist 6 og 4 hundum. Norðoya Seyðahundafelag hevur ein hund við. Veðurforsøgnin hevur ikki verið pen, fyrr í vikuni, men nú sær betur út. Vit vóna at fáa eina góða kapping. Øll eru vælkomin ein túr norð til Viðareiðis at hyggja. Norðoya Seyðahundafelag bjóðar drekkamunn. Kappingin byrjar kl 09:30 og varir í einar 5 tímar. 

Tað gekk illa hjá Tummasi og Linn í gjár. Linn fann ikki seyðin, og fór út av vøllinum. Og so vóru Føroyar úti av Continental Sheepdog Championship 2024. Enn eitt dømi um at seyðahundakappingar eru harðar og kontantar.

Taka vit saman um, hevur kappingin eydnast væl. Hóast hvørgin av okkara royndastu hundum fekk stig, so smæddust nýggju landsliðs luttakarar okkara als ikki burtur. Føroyar endaði á 12. plássi av 18 londum.

Um ein hevur hug at síggja rakstur og seyðahundar á høgum støði er leinkja til finaluna her:

Vit hava fingið myndirnar frá Ketty A. H. Winther og Irenu Jacobsen

Ketty við Ragnu fekk seg roynda í gjár. Seyðurin var ikki lættur at fáast við og veðrið var eisini avbjóðandi. Tað bleiv til 139 stig og tað gav eitt 15 pláss av 36 plássum. Flott úrslit undir torførum umstøðum og í eini sera javnari kapping.

Í dag skulu Tummas og Jónstein royna seg. Tummas skal inn sum nummar 20 við Moss, hann hevur nummar 56 á rygginum. Hann er royndasti luttakarin á landsliðnum, bæði í heimligu kappingini og altjóða.

Hetta er, har aftur í móti, fyrsta altjóða kappingin hjá Jónsteini. Hann tók øll á bóli til FM í 23/24, og bleiv nummar 2 við hundinum Gripur. Teir báðir skulu royna seg sum nummar 35 í dag. Jónstein hevur nummar 71 á rygginum.

Góða eydnu!

Kappingin í dag kann stroymast her: